О великие Христовы угодники и чудотворцы Пантелеймоне, Косма и Дамиане, Кире и Иоанне, Ермолае, Диомиде, Фотие и Аникито!
Услышите нас, молящихся вам (имена). Вы знаете наша скорби и недуги, слышите воздыхания множества к вам притекающих. Сего ради к вам, скорым помощником и теплым молитвенником нашим зовем: не оставляйте нас вашим у Бога ходатайством.
Мы присно заблуждаем от пути спасения, руководите нас, милостивые наставники. Мы немощны в вере, утвердите нас. Мы не имеем добрых дел, обогатите нас. Мы от врагов видимых и невидимых и озлобляемся, помогите нам, безпомощных заступницы.
Гнев праведный, движимый на нас за беззакония наша, отвратите от нас вашим ходатайством у престола Судии Бога, Емуже вы предстоите на Небесах, святые и праведные.
Услышите нас, великие Христовы угодники, вас с верою призывающих, и испросите молитвами вашими у Отца Небеснаго всем нам прощение грехов наших и от бед избавление.
Вы помощники, заступники и молитвенники, и о вас славу возсылаем Отцу и Сыну и Святому Духу, ныне и присно и во веки веков. Аминь.